一年一度的「香港先生」選舉雖然已結束近一個星期，但對該電視節目的投訴卻持續不斷。廣管局收到四十四宗投訴，指「港男」選舉侮辱男性，[……]香港性文化學會認為，港男選舉拒絕男性參與評審及當現場觀眾，讓節目淪為供女性觀賞及褻玩，明顯涉及對男性的歧視。而在節目的泳裝環節中，參賽者穿三角泳褲從水簾步出，為了拉票甚至容許女評判觸摸其身體；冠軍選出後，眾女評判及嘉賓更衝前擁抱索吻摸胸。學會事工主任麥沛泉質疑「如果同樣事情發生在香港小姐選舉上，情況完全不同，因此這根本是打破了兩性平等的精神。」
其實最初播映「香港先生」選舉時已經覺得有不妥，正當女性團體大肆批評「香港小姐」的「行行企企問答遊戲」如何侮辱女性之時，「香港先生」選舉居然女性佔滿全場館，還要容許評判嘉賓摸摸錫錫。試想像一下，如果「香港小姐」只容許男性入場，還要讓評判嘉賓觸摸其身體的話，這老早就構成嚴重性騷擾吧？
兩性平等？發夢好了。
有乜都侮辱唔侮辱呢?
一方願打一方願捱,
都只是一場騷,
何必用到道德倫理咁嘅道理來說教呢?
每樣事情都有第一次,
何況都不是第一介了,
真係咁侮辱就無人參加了,
又不是用槍指著他們的,
當年港姐著泳衣有有人呱呱嘈,
而家大家咪又係見怪不怪!
硬是要和什麼男女平等拉上關係,
這又是不是另一種道德塔里班呢?
@fresh, 話就唔係咁講啦, 唔係一方願打一方願捱就當OK, 唔係話”唔係第一次”就ok, 亦唔係話”見怪不怪”就ok架嘛……紅公仔過馬路都係願打願捱, 唔係第一次, 個個人都見怪不怪, 但係唔岩就係唔岩嘛!
我個人覺得「港男」選舉未到話侮辱男性, 但係女性團體亦需要為「凡事乜都投訴」反思一下。
女性團體「凡事乜都投訴」?
你指是什麼事呢?
我唔多清楚呀!
順帶一提,
用經公仔過馬路來比喻港男選舉又唔係咁好,
因為好似已經介定佢哋咁做係錯嘅,
唔多公平!
其實所謂男女平等,
我覺得是男女都有相同嘅機會,
男有得選,女有得選,
自由參加,
女仕用手輕輕篤吓男性結實嘅肌肉都無所謂,
強壯男性身體一向是女性喜歡嘛,
至於女性身體又唔可以做同樣嘢嘅,
男女有別嘛,
唔係可以做同一樣嘢才叫男女平等啊!
我覺得只要不過火是可以接受吖!
其實無話你啱定我啱,
大家標準唔同,
不過社會有不同意見就是最好嘛,
又無理由因為有人反對而迫佢”收檔”架,
係未?
@fresh, >女性團體「凡事乜都投訴」
經常都會讀到報章報導有某啲女性團體會為一啲好無聊既事而投訴啦…..
如果所謂男女平等即係男女都有相同嘅機會, 咁其實選港姐個時男仕都可以有同等機會摸吓女性身體架喎. 有身材既女性身體男人都喜歡, 點解女人摸得男人, 男人唔摸得女人? 咁我覺得已經唔係男女平等.
不過如你所講, 我地兩個又唔係雙胞胎, 稔法有別好正常! :)
男人摸女人會被人叫非禮架,
你唔會試呀! =p
哈哈哈~~~
男女此終有別,
各有本位,
只要能各抒所長都算公平了!
哈, 另一個角度看丫…
如果香港小姐是貶低女性…其實…
香港先生… 是讓女性解放的工具…haha…
＠fresh, 女人摸男人都可以係非禮, 依家幾多辦公室性騷擾案件……
@pegpeg, 哈哈, 的確可以咁稔啊! :) 女性大解放!
哈哈哈~~~
我無嘢講了,
你我都要小心呀! =)
@fresh, 哇哈哈, 小心女人呀? :)