生活爛GAG之二

趣事﹐其實沒有什麼﹐不過寫下來算是作個記錄﹐他日再看必定樂趣無窮。(以下對白﹐廣東話發音)

某日晚上﹐回到睡房準備入睡﹐突然想起一件事。
我﹕「今晚冇柿呀﹗」(早個星期得到大量柿子﹐由於數量繁多﹐實需要每天吃柿子以減少存貨﹐否則柿子必會腐爛。)
冇柿者﹐沒有吃柿子也。
靜宜機靈﹐明白我所謂何事﹐曰﹕「哎也﹐唔記得咗﹗」
我﹕「不如將啲柿轉送俾XX啦﹗咁我哋就真係無柿啦﹗」
無柿者﹐沒有柿子也。
靜宜﹕「嘩﹐咁你都稔得出﹐真係好無恥﹗」
我﹕「點會無恥﹖佢收柿﹐我哋無柿﹐一家便宜兩家著﹗」
靜宜﹕「但都唔能夠因為要無柿﹐就咁無恥……」
我﹕「但係如果唔咁無恥的話﹐我哋好難無柿呀﹗」

如是者﹐無柿無恥著……

對﹐有時候﹐無聊也是樂趣。:)

1 條關於 “生活爛GAG之二” 的評論

  1. 看到呢句︰「我﹕「不如將啲柿轉送俾XX啦﹗咁我哋就真係無柿啦﹗」」
    已忍不住笑了

留言已關閉。