吳日言說……求婚戒指就要執著,一定要有杜汶澤送給田蕊妮那枚三卡方形鑽戒才是幸福象徵,她才會下嫁,結婚戒指當然要多過三卡。
阿小妹妹,妳自己市儈都唔好咁大聲講出口丫,「三卡鑽戒才是幸福象徵」!妳要知道啦,三卡鑽戒就唔係個個都送得出,要送都係D非富則貴既人吧?之但係真係非富則貴既人,妳估佢地睇唔睇得妳上眼?妳又唔係好似李嘉欣咁靚,又唔係話好似朱茵咁好身材,如果收到一卡半卡鑽戒,都實在要宰雞還神,算係飲得杯落。
仲有我想講,幸福呢家野,就唔係話「三卡鑽戒」就係象徵。如果妳以為送三卡鑽戒=有錢男人=幸福,我稔妳搞錯啦!幸福唔可以用錢去衡量,有錢唔代表幸福,冇錢唔代表折墮。一個男人向妳求婚,係因為想同妳一齊渡過下半生。不管有錢冇錢,相愛至白頭到老先至叫幸福快樂,童話故事結局,都有寫「快快樂樂生活下去」啦!俾妳收隻「三卡鑽戒」,佢第二日就出去搞其他女人,下個月開始虐待妳,半年後話要離婚,唔知妳到時拎隻「三卡鑽戒」出黎,仲可唔可以話有幸福呢?
唉!妳見識咁膚淺,我都唔知妳聽唔聽得明,聽唔明妳就繼續等妳個「三卡鑽戒」啦……