……一名男司機駕駛私家車途中，貓兒由坐在前座乘客位的女主人抱，其間貓兒疑一時頑皮撲向司機，男司機受干擾下，車輛失事衝上行人路翻轉，四輪朝天，車上兩人僅受輕傷，與貓兒一同爬出車廂，詎料貓兒脫險後疑受驚逃去無蹤，女主人一度棄下頭部受傷的男友四出尋貓，最終無功而還，非常傷心。
一直都非常討厭別人駕車時任由寵物在車內亂走。
畢竟駕車不是等閒事，每架車都是殺人武器，司機一不留神，就會釀成大錯。偏偏有些人就是沒有這種意識，抱著貓狗上車又不好好管束，任由牠們爬上爬落，隨牠們當車廂是遊樂場，萬一因此發生車禍，自己撞死撞殘都算了，累及他人就不好。
另一方面，人和寵物哪樣重要？「棄下頭部受傷的男友四出尋貓」？小姐，妳沒有病吧？
嬲記話好有『火』,提議我改名叫『嬲爆咖啡杯』,
我覺得你比我對世情更有『火』,有衝勁,
值得讚賞. : )
那位小姐當然無病啦，而且EQ好高，臨危不亂，知道男友是不會逃出她的鼓掌，更何況頭部受傷，但猫兒野性，一旦出走了就不會回來她身邊
哈，大雄，幾年前有對中年夫婦仲專呀，
大概都係同呢單新聞既男女一樣，
不過寵物換左係隻松鼠狗……
呢次到個女既受傷……
但呢個女人，視狗如命，
係推上救護車時仍然要抱住隻狗…
最唔明既係，點解 D 救護員又由佢 @@
換著係我，上就一個人上，唔上話之佢！
– 人和寵物 ≠ 男朋友和小動物朋友.
– 如果唔能夠帶狗狗上救護車, 又無認識的朋友睇住隻狗, 我寧願唔上車, 如果救護員迫我上車, 我最多 …… 咬佢!
– 我也覺得暴雄有時很火, 惟一一次, 我嫌他不夠火鬧得未夠盡要再盡去盡啲既, 就係鬧成蟲的時候.
有病的 tong ^^
@cha cha, 歡迎! 老實講, 有個咁既女朋友, 我一定會即刻飛左佢
@jaycy, 係丫, 我覺得愛寵物係應該, 但不能太過。冇理由唔理個人, 就去搵隻貓。
@tong, 難道如果妳新聞中所寫既同樣情況, 你都會棄男友去搵狗? :) 點解病左? 流感期, 要小心身體丫!
對於其他人來說, 小動物有事, 就好像他們鍾愛的一本書爛了, 悉心照料的一株花殘了. 但對於我們來說, 不是這樣的. 我唔相信, 受傷的朋友會認為我棄他和介意我去搵狗, 佢都應該係好鍾意狗, 仲會叫我去搵既.
我明白你地不會有我地既想法, 對於你們來說, 我們便是有病了. ^^
@tong, 可能吧! 我雖然愛護寵物, 但可能愛得不久深丫~~~
患難見真情.
那個女仔沒有病, 是真情流露.
@pema, 對我來說, 這還真是壞的真情流露丫!