一名年近八旬舉目無親的拾荒老伯，凌晨在一條幽暗的後巷整理辛苦執來的紙皮時，一名年輕劫匪竟持木棍連環狂扑老伯頭部，強搶老伯400多元血汗錢後逃去無蹤。
這位老伯來港五十年，兒子遠走台灣對他不聞不問，辛勞幹活四十年，年老只能靠綜援和拾紙皮過活。當然，搶錢的那位年輕人不可能對這位老伯的背景知得一清二楚，但眼見一位老伯凌晨四時在一條冷巷拾紙皮，稍微用腦都知道他的生活過得不好吧？居然還要用暴力去強搶他的血汗錢，真是不知廉恥！
要是你讓我擁有死亡筆記，要是你讓我知道這個年輕人的名字……
6 條關於 “我一定把他的名字寫上去” 的評論
留言已關閉。
這世界有因果循環，那個年輕人這樣做，就算警察捉唔到人，至少，我相信佢必會有報應。
那些扑頭黨真係好陰公,
佢地唔會唔知咁樣一扑可能人地條命都俾埋佢架,
攞錢啫,唔洗攞命吖,
但係以暴易暴都唔係好辨法,
起唔到積極作用,
可能罰佢地做社會服務令更好,
專門照顧啲年老無依嘅老人家,
等佢地認識尊重老人家啲辛酸,
咁樣先至起到正面嘅作用,
當然如果佢扑死左個阿伯就唔會咁輕罪了,
但係坐監之餘都要佢做這些服務令,
咁樣佢地先至會知道自己所為是幾錯,
而且也對一些年青人起到正確嘅訊息!
令我諗起幾個月前
有個賣雪糕既老婆婆, 因為想勸阻一個後生仔自殺
點知畀佢打番轉頭, 錢都畀佢搶埋
都係時下D人對生命既觀念太薄弱
應該開始需要加強教育, 灌輸概念
@妹, 望係咁望啦!
@fresh, 我唔明白出左咩問題, 點解年輕一代壞起上黎會壞得咁冇人性冇良心?
@Oscar, 丫! 你講我又記得, 個個後生仔有係冇人性~
的確, 時下既人對人與人之間既關係好似扭曲左咁, 個個都懶理他人死活!